Kryetari i Kuvendit të Kosovës, Glauk Konjufca, ka uruar zgjedhjen Talat Xhaferin për zgjedhjen e tij si kryeministër i parë në Republikën e Maqedonisë së Veriut.
Përmes rrjetit social Facebook, kryeparalmentari Konjufca zgjedhjen e Xhaferit si kryeministër i Maqedonisë së Veriut e konsideron si arritje të rëndësishme për të gjithë shqiptarët, sepse, vlerëson ai, sado me kompetenca dhe kohë të limituar, thyen një barrierë të perceptimit për këdo.
“Kryeministri shqiptar, sado me kompetenca dhe kohë të limituar, thyen një barrierë të perceptimit për këdo. Urojmë që kjo përgjegjësi e re t’iu shërbejë të gjithë qytetarëve pa dallim. Bërja e Z. Xhaferi kryeministër deri në realizimin e zgjedhjeve në Maqedoninë e Veriut vjen si mundësi që pjesëmarrja dhe integrimi i plotë i shqiptarëve të vlerësohet si synim i pashmangshëm, aq sa edhe përparimtar, prej të cilit përfiton më së miri vetë Maqedonia e Veriut. Urime z. Xhaferi dhe suksese në detyrën tuaj, duke shpresuar dhe besuar se kjo do t’i hap rrugën ndryshimeve të përparimit të vazhdueshëm politik!”, ka shkruar Konjufca. /Kosovatimes/
