Kryetari i Lidhjes Demokratike të Kosovës, Lumir Abdixhiku, ka pritur në takim lamtumirës Ambasadorin e Mbretërisë së Bashkuar në Kosovë, Nicholas Abbott. Në takim u diskutua për zhvillimet në Kosovë dhe në rajon, si dhe për qëndrimet e LDK-së rreth këtyre zhvillimeve.
Kryetari Abdixhiku e falënderoi ambasadorin Abbott për punën e tij në Kosovë; për mbështetjen që Mbretëria e Bashkuar i ka dhënë dhe po i jep vendit tonë. Kryetari Abdixhiku po ashtu vlerësoi lart vizitën e sekretarit të jashtëm britanik, David Cameron ditë më parë si dhe zotimin e shtetit britanik në mbështetje të Kosovës së pavarur dhe sovrane si dhe për forcimin e subjektivitetit ndërkombëtar të shtetit tonë.
Kryetari Abdixhiku dhe Ambasadori Abbott vlerësuan nevojën për thellim të bashkëpunimit ndërmjet Kosovës dhe Mbretërisë së Bashkuar si partner kyç për stabilitet në Evropë. /Kosovatimes/
