Pas koncertit me dy premiera që mbajti në fundjavë, Filarmonia e Kosovës ka lajmëruar se më 10 shkurt prej orës 20:00 në Atelienë e Pallatit të Rinisë dhe Sporteve në Prishtinë do të mbajë koncertin e radhës i cili do të hapet me `Rapsodi Shqiptare` nga Fan Stilian Noli, duke shënuar kështu interpretimin e parë të një prej kompozimeve të Nolit nga orkestra kosovare.
Në këtë mbrëmje do të interpretohet edhe premiera “Koncert për Piano” nga kompozitorja Dafina Zeqiri Nushi, me pianistin Misbah Kaçamaku.
Koncerti do të përmbyllet me Simfoninë e 3-të të Zhin Sibelius-it, kjo pas interpretimit të Simfonisë së parë dhe të dytë vitin e shkuar.
Koncerti do të dirigjohet nga dirigjenti amerikan Gregory Karette.
