Gjykata komerciale ka reaguar ndaj disa pakënaqësive individuale të palëve ndaj punës së gjyqtareve. Kjo gjykatë sugjeron që çdo pakënaqësi në lidhje me punën e gjyqtarëve, duhet të adresohet përmes mekanizmave ligjor ekzistues, ndërsa çdo pakënaqësi ndaj vendimeve gjyqësore, duhet të adresohet përmes mjeteve juridike në dispozicion.
“Kjo mënyrë e shprehjes së pakënaqësive që ka filluar të behet dukuri, është e papranueshme dhe cenon rëndë pavarësinë e gjyqësorit në përgjithësi dhe të Gjykatës Komerciale në veçanti si një gjykatë e sa po themeluar”.
Andaj, Gjykata kërkon që palët e pakënaqura të përmbahen nga komentimet e vendimeve gjyqësore dhe atakimet në rrafshin personal të gjyqtarëve mbi bazën e supozimeve të pambështetura në fakte konkrete, sepse veprimet e tilla cenojnë besimin e publikut dhe janë dekurajuese për gjyqtarët.
Kryetari i Gjykatës tha se nga pozita e tij garantojë të gjithë qytetarët se si gjykatë janë duke bërë përpjekje maksimale në forcimin e gjykatës, me qëllim të ofrimit të një drejtësie efikase dhe efektive për të gjithë qytetarët. /Kosovatimes/
