Shtetet e Bashkuara janë deklaruar me hapa konkretë mbështetjeje të Shqipërisë për integrimin europian.
Ndërsa kanë shpallur projektin me vlerë 12 milionë dollarë, ambasada amerikane në Tiranë i bën thirrje prodhuesve shqiptarë të kërkojnë ndihmën e USAID-it për përshtatjen e produkteve të tyre me kërkesat e tregut të BE-së.
Ndërsa kanë theksuar me vite rëndësinë e qenies së Shqipërisë vend anëtar i BE-SË, Shtetet e Bashkuara kanë qenë në vite pjesë edhe e lobimit të fuqishëm në institucionet dhe vendet anëtare të BE-së për arritjen e anëtarësimit të Shqipërisë.
Pak javë më parë, Bashkimi Europian shpalli programin e përfitimit financiar të vendeve të Ballkanit perëndimor në proporcion me ecurinë e tyre të reformave atë legjislative.
Çelja e kësaj korsie bën të mundur arritjen e disa objektivave të pjesshme, sidomos të tregut edhe jashtë procesit të plotë të kapitujve në pritje, të hapur apo të pambyllur.
Moto e integrimit europian e zbatuar në këtë projekt synon përshpejtimin e procesit përmes përmirësimit të konkurrueshmërisë në bujqësi.
