Me rezultate të mira e kanë nisur xhudistët e Kosovës ditën e dytë të Grand Slamit të Xhudos në Paris.
Akil Gjakova ka kaluar me sukses dy pengesa në kategorinë deri në 73 kilogramë.
Po ashtu, edhe Dardan Cena ka siguruar një vend në xhiron e katërt në të njëjtën kategori.
Garën e ka vazhduar me suksese edhe Laura Fazliu, e cila ka kaluar pengesën e parë dhe po garon në raundin e tretë në kategorinë 63 kilogramë.
Në ditën e parë të këtij organizimi, Distria Krasniqi ka fituar Medaljen e artë, ndërsa Nora Gjakova ka përfunduar në vendin e peste.
