Napoli ka fituar me përmbysje në kuadër të Javës së 23-të të Serie A, duke e mposhtur Veronan me rezultat 2-1, në një ndeshje të zhvilluar të dielën në stadiumin “Diego Armando Maradona”.
Pjesa e parë e ndeshjes nuk ka prodhuar gola, por emocionet janë shfaqur në pjesën e dytë. Verona ka kaluar në epërsi në minutën e 72-të, kur ka shënuar Coppola, duke nxitur imagjinatën për surprizë. Por megjithatë, Napoli ka treguar karakter dhe në minutën e 79-të, Ngonge ka barazuar rezultatin, ndërsa në minutën e 87-të, Kvaratskhelia ka realizuar duke siguruar fitoren për Napolin.
Me këtë fitore, Napoli gjendet në vendin e shtatë në tabelën e Serie A të kryesuar nga Inter, kurse Verona ndodhet në vendin e tetëmbëdhjetë.
