Marko Prelec, nga Grupi Ndërkombëtar i Krizave, ka theksuar se vendimi që e ndalon përdorimin e dinarit serb në Kosovë, do të duhej të negociohej në bisedimet mes Kosovës dhe Serbisë që i ndërmjetëson Bashkimi Evropian.
Në një intervistë për Radio Evropa e Lirë, ai ka theksuar se dinari nuk është vetëm një monedhë – për të mirë ose për të keq, komuniteti serb varet prej tij.
Prelec ka theksuar se vendimi për të, ashtu si dhe mbyllja e disa komunave paralele serbe në Kosovë, do ta ndikojnë Asociacionin e komunave me shumicë serbe, që pritet të formohet.
“Ashtu siç janë gjërat tani ose nuk do të kemi asociacion, ose do ta kemi një sa për të thënë, që do të jetë një institucion bosh, të cilin Qeveria do ta krijojë në mënyrë të njëanshme, pa asnjë përpjekje reale për t’i plotësuar nevojat e komunitetit që supozohet se duhet ta ndihmojë. Dhe, kjo është për keqardhje”, ka deklaruar Prelec për REL.
Sipas tij, SHBA-ja dhe BE-ja po përballen me ndikim të kufizuar në Kosovë.
