Sigal Prishtina ka arritur tjetër fitore në Ligën Ballkanike. Të enjten në mbrëmje në Pallatin e Sporteve në Prishtinë, Sigal Prishtina fitoi me rezultatin 86:71 përballë AEL-it qipriot. “Bardhekaltrit” krijuan epërsi solide nga dy periudhat e para.
Çerekun e parë, Sigal Prishtina e fitoi 25:14, ndërsa të dytin 22:17.
Epërsinë e thellë prej 16-të pikëve, prishtinasit e ruajtën deri në fund për të triumfuar me 15 pikë epërsi. Për Sigal Prishtinën ishte fitorja e tretë në këtë edicion të Ligës Ballkanike dhe tani ka shtatë pikë në vendin e tretë, aq sa ka edhe Peja. AEL-i i prinë tabelës bashkë me Lovqenin me nga 10 pikë. AEL-i ka katër fitore e dy humbje, kurse Lovqeni i dyti ka tri fitore e katër humbje.
Në vendin e fundit është Plevlja me pesë disfata.
