Drejtori sportiv i Bayer Leverkusen, Simon Rolfes, nuk ka hezituar të shprehë admirimin e tij për ndikimin e Grani Xhakës në performancën e skuadrës.
Përballja e ardhshme e Bayer Leverkusen do të jetë me Bayern Munchen në një ndeshje të rëndësishme të Bundesligës. Ekipi po përpiqet të sfidojë dominimin e Bayernit dhe të fitojë titullin e Bundesligës. Në udhëheqje të Xabi Alonso, skuadra ka treguar një performancë të shkëlqyer gjatë këtij sezoni, duke marrë pesëdhjetë e dy pikë në njëzet ndeshje dhe duke kryesuar tabelën e Bundesligës.
Rolfes ka theksuar se Xhaka jo vetëm që ka një personalitet të jashtëzakonshëm në ekip, por gjithashtu shquhet për karakterin dhe integritetin e tij, që e bëjnë atë një udhëheqës të shkëlqyer në dhe jashtë fushës së lojës.
“Ai (Xhaka v.j.) ka një personalitet të padiskutueshëm në ekip, brenda dhe jashtë fushës. Ai gjithmonë ecën përpara me karakterin që ka. Jemi shumë të lumtur”, është shprehur Rolfes.
