Ai tha se Serbia nuk e rrezikon bashkëpunimin me Ukrainën, me të cilën, thotë ai, ka bashkëpunim të mirë. Në këtë kuptim, ai deklaroi se do të marrë pjesë në Samitin Ballkan Perëndimor-Ukrainë në Tiranë, ku do të jetë i pranishëm edhe presidenti i Ukrainës, Volodymyr Zelensky.
Në pyetjen e një gazetari gjerman nëse ka parasysh Rusinë kur flet për ndikimin e fuqive të huaja, ai tha se nuk e ka fjalën për këtë ndikim dhe se në Serbi ka ruse dhe “disa propagandë të tjera”.
Ai tha se Serbinë nuk mund ta urdhërojë askush, as nga Uashingtoni dhe as nga Moska dhe se Serbia do të vazhdojë të bëjë politikën e saj në mënyrë të pavarur.
Në Serbi, tha Vuçiq, nuk ka shumë rusë dhe “ata janë kryesisht të orientuar kundër Putinit, ndërsa ukrainasit në Serbi janë kryesisht rusisht-folës dhe pro-Putin”.
Deklaratës së Vuçiqit sot në mëngjes ka ardhur një përgjigje nga Moska.
Nënkryetari i parë i Komitetit të Dumës Shtetërore për Çështjet Ndërkombëtare, Aleksej Çepa, nuk u pajtua me Vuçiqin se rusët që jetojnë në Serbi nuk e mbështesin presidentin rus Vladimir Putin .
Në një intervistë për Lenta.ru, ai iu përgjigj fjalëve të liderit serb.
“Duke gjykuar nga vizita ime e fundit në Serbi, nuk pajtohem me këtë. Takova dhe komunikova me rusët, me diasporën ruse. Nuk pashë asnjë mosmarrëveshje. Prandaj, nuk do të pajtohesha me pretendimin për rusët. Sa për ukrainasit, unë thjesht nuk kam një informacion të tillë. Ndoshta Vuçiq ka të drejtë. Megjithatë, nuk jam takuar me diasporën ukrainase”, tha Chepa.
Alexey Chepna propozoi bashkimin e Rusisë dhe Serbisë dy vjet më parë .
Ai i ka bërë thirrje Serbisë që të “bëhet pjesë e Rusisë” në rast të një situate të komplikuar gjeopolitike në rajon për radion “Govori Moskva”.
Madje, ai bëri thirrje që të pritet ndonjë “apel nga Vuçiq” në këtë drejtim.
Pas kësaj, përfaqësuesja zyrtare e Ministrisë së Punëve të Jashtme ruse, Maria Zakharova, tha se Moska është në pritje të reagimit të Beogradit për “propozimin e Kremlinit për normalizimin e situatës rreth Kosovës”./Kosovatimes
