Lëvizja Vetëvendosje organizon disa aktivitete në 17-vjetorin e Demonstratës së 10 shkurtit 2007 kundër Pakos së Ahtisarit.
Në orën 12 e 30 do të bëhen homazhe te pllaka përkujti2more e dëshmorëve Arben Xheladini dhe Mon Balaj në Bulevardin “Nënë Tereza”, në Prishtinë.
Në orën 13:30 bëhen homazhe te varri i Arben Xheladinit në Prishtinë
Në orën 14:45 bëhen homazhe te varri i Mon Balajt në Podujevë.
Si dhe në 16:00 shfaqet dokumentari i 10 shkurtit dhe do të ketë diskutime në kinemanë ABC në Prishtinë.
Në demonstratën e 10 shkurtit të vitit 2007, mbetën të vdekur dy aktivistë.
Përveç kësaj mbetën të plagosur edhe mbi 80 aktivistë pas përleshjeve të ashpra me policinë rumune. Policia rumune, efektivë të UNMIK-ut, gjuajti me plumba gome drejt turmës. Demonstrata ishte thirrur për kundërshtim ndaj Pakos së Ahtisaarit.
