Anëtarja e Kryesisë së Lidhjes Demokratike të Kosovës, Sibel Halimi ka reaguar pas mbledhjes urgjente të së premtes që është thirr nga Komisioni për Administratë Publike, Pushtet Lokal, Media dhe Zhvillim Rajonal në të cilën raportonin anëtarët e Komisionit të Pavarur të Mediave.
Halimi ak theksuar se gjuha e përdorur nga deputetët e partisë në pushtet drejtuar anëtarëve të Komisionit të Pavarur të Mediave i ngjasonte komiteteve të Enver Hoxhës është alarmuese.
“Deri në fund të mandatit të këtij pushteti, rezultati i vetëm i arritshëm do të jetë, kapja e të gjitha institucioneve të pavarura. E fatkeqësisht askujt nuk po i bëhet vonë, se si ky vend është duke rrëshqit komplet drejt një diktature, pasojat e së cilës ende s’i kemi ballafaquar e do t’i shohim më vonë, kur edhe mendimi do të jetë i kontrolluar! Veprimet e pushtetit janë më shumë se ndërhyrje politike, janë veprime diktatoriale”, ka theksuar ajo.
Në reagim Halimi ka theksuar se e gjithë kjo dramë ndodhë si për ironi, në shtëpinë e demokracisë, në Kuvendin e Republikës së Kosovës”.
“Hiç më pak se katër orë, një mbledhje e thirrur si e jashtëzakonshme nga disa deputetë të LVV-së nga Komisioni për Administratë Publike, Pushtet Lokal, Media dhe Zhvillim Rajonal, është alarm që duhet të zgjojë vetëdijen e të gjithëve për tendencën e rrezikshme të partisë në pushtet që nëpërmjet fyerjes e atakimit të dinjitetit të individëve të disiplinojë dhe kontrollojë çdo lëvizje që nuk i përshtatet diktatit të tyre”, thekson ajo. /Kosovatimes/
