Policia e Kosovës ka njoftuar se ka ndëshkuar dy persona të cilët bënin ‘gara’ në aksin rrugor Mitrovicë-Vushtrri.
Në njoftimin e Policisë, thuhet se njësitet e policisë në Vushtrri, kanë identifikuar dhe proceduar me masa ndëshkimore ndaj dy shoferëve për kundërvajtje në trafikun rrugor.
“Kundërvajtësit janë hasur në aksin rrugor Mitrovicë –Vushtrri, të cilët në kundërshtim me rregullat e trafikut rrugor ishin duke bërë gara sportive me vetura duke penguar e rrezikuar edhe pjesëmarrësit tjerë në trafikun rrugor. Kundërvajtësve u janë shqiptuar gjobat prej 150 euro, si dhe nga një pikë negative”, thuhet në njoftimin e Policisë së Kosovës. /Kosovatimes/
