Kapiteni i Arsenalit, Martin Odegaard, është shprehur shumë i lumtur me fitoren ndaj West Hamit.
“Topçinjtë” deklasuan West Hamin (6-0), ndeshje kjo e luajtur të dielën në kuadër të Premier League-s.
William Saliba, Bukayo Saka (2), Gabriel Magalhaes, Leandro Trossard dhe Declan Rice, shënuan për fitoren e madhe të skuadrës së Mikel Artetës.
“Performancë e shkëlqyer”, ka thënë Odegaard.
“Nga fillimi e deri në fund e dominuam dhe kontrolluam lojën. Ishim vërtet të mprehtë para portës. Jam krenar për ekipin”, ka theksuar ai.
Odegaard kërkon nga skuadra e tij, të vazhdohet me këtë formë edhe në duelet e ardhshme.
“Ne jemi të fokusuar te vetja. Nuk na intereson shumë për ekipet e tjera. Ne vazhdojmë të punojmë shumë. Është një fitore e mirë dhe ne duhet të vazhdojmë kështu”, ka pohuar kapiteni i londinezëve.
