Teatri i qytetit të Gjakovës, “Hadi Shehu” ka njoftuar për fillimin e provave të shfaqjes për fëmijë “Magjistari nga Ozi” me regji të Butrint Pashës.
“Mezi po presim të dalim me premierën dedikuar publikut më të dashur- fëmijëve, me të cilët kaherë kemi hyrë në borxh, por tani e tutje ju premtojmë që do të kujdesemi të mos i lëmë anash asnjëherë”, thuhet në njoftimin e shpërndarë me fotografinë e provave.
Gjatë muajit shkurt teatri i Gjakovës do të shfaq edhe dy shfaqje, “Masë për masë” nga Altin Basha dhe “Farsë në Valvorth” me regji nga Butrint Pasha. /Kosovatimes/
