Shteti i Iowas e ka njohur zyrtarisht 17 shkurtin si Ditën e Pavarësisë së Kosovës. Kështu ka njoftuar Ambasada e Kosovës në ShBA.
Në njoftimin e postuar në platformën X, Ambasada kosovare ka falënderuar Guvernatorin Kim Reynolds dhe Sekretarin e Shtetit të Ioëas, Paul Pate për këtë vendim.
“Kjo deklaratë është një dëshmi e vërtetë e miqësisë dhe partneritetit të thellë që gëzojnë Kosova dhe Iowa”.
“Faleminderit që festuat Ditën e Pavarësisë me ne dhe për angazhimin, dashurinë dhe mbështetjen tuaj të palëkundur gjatë rrugës”, thuhet në mjoftimin e Ambasadës së Kosovës në ShBA.
“Që nga viti 2013, “partneriteti ynë vetëm është forcuar, nga partneriteti i Gardës Kombëtare të Iowa-s deri te marrëdhëniet e Qytetit si Motër me nëntë komuna e më gjerë. Jemi të lumtur që shohim bashkëpunimin tonë të lulëzojë në akademi, kulturë dhe mes njerëzve tanë”, thuhet tutje në njoftimin e Ambasadës.
