Ne nje publikim te saj T Sensos nga Sarajeva ka denuar praktikën e turpshme dhe të papranueshme mediatike të theksimit të nacionalitetit në raportim kur bëhet fjalë për vepra penale dhe veçojmë portalin KLIX.ba si një nga fajtorët kryesorë për këtë praktikë. Ky problem bëhet edhe më serioz duke pasur parasysh paditë e mundshme të paralajmëruara për diskriminim nga kryetari i bordit, Abi Muhtari nga Qendra Kulturore Shqiptare në Sarajevë, nëse kjo praktikë diskriminuese vazhdon.
Qendra Kulturore Shqiptare, e cila ndër të tjera merret me përfaqësimin e interesave të shqiptarëve që jetojnë në Bosnje-Hercegovinë, shpreh shqetësimin serioz për theksimin selektiv të kombësisë, sidomos kur bëhet fjalë për shqiptarët. Një qasje e tillë në raportim kontribuon dukshëm në stigmatizimin dhe diskriminimin e popullit tonë, të cilin ne nuk do ta tolerojmë në të ardhmen”, tha Muhtari.
Shumë shqiptarë që jetojnë në Bosnje dhe Hercegovinë kanë shprehur shqetësim të madh për praktikën e mediave që shpesh theksojnë kombësinë në raportimin e ngjarjeve kriminale, por vetëm kur bëhet fjalë për grupe të caktuara etnike, siç janë shqiptarët. Në të njëjtën kohë, ata pohojnë se kombësia rrallëherë, për të mos thënë ndonjëherë, theksohet kur fokusi është te serbët, boshnjakët apo kroatët.
Ai shtoi se në rast se një praktikë e tillë do të vazhdojë, do të ndërmarrë hapa ligjorë për të mbrojtur interesat e komunitetit shqiptar dhe për të hetuar ligjshmërinë e një qasjeje të tillë gazetareske. “Ne përpiqemi që të gjithë qytetarët të kenë mbrojtje të barabartë nga diskriminimi dhe nëse mediat nuk i respektojnë këto parime, ne do të përdorim të gjitha mjetet ligjore për të mbrojtur të drejtat tona”, ka theksuar Muhtari.
