Komisioni i Pavarur për Media (KPM), së fundi ka marrë vendim për lejim të kanaleve të një platforme televizive, e cila kishte shkelur rregullat duke shfaqur imazhe të terroristëve të vrarë më 24 shtator në Banjskë.
Ky vendim ka hasur në reagime të deputetëve të Kosovës, të cilat i vlerësuan vendime tradhti kombëtare. Shoqëria civile e ka cilësuar si ndërhyrje politike në punën e Komisionit të Pavarur të Mediave mbledhjen urgjente të Komisionit për Administratë Publike, Pushtet Lokal, Media dhe Zhvillim Rajonal.
Kryetari i Komisionit të Pavarur për Media (KPM), Jeton Mehmeti, në RTK Prime ka folur rreth vendimeve që KPM-ja ka marrë rreth ndërprerjes së kanaleve që kanë shfaqur imazhe që janë në kundërshtim me Kushtetutën e Kosovës.
“Nëse edhe njëherë shkelen rregullat nga Arena Sport, ato humbin licencën përgjithmonë. Me vendimin tonë ato duhet të jenë të kujdesshëm”, tha ai.
KPM kishte marrë vendim për pezullim të Arena Sportit, për shkak se kjo e fundit kishte shfaqur pamje të terroristëve të vrarë më 24 shtator në Banjskë.
Kreu i KPM-së, bëri me dije se i kanë marrë parasysh disa arsyeje nga të cilat janë lejuar që kanalet e Arena Sport të shfaqen në Kosovë.
Ai tha nëse ndodh që edhe njëherë të ndodh që Arena Sport do të shfaq imazhe që kanalet sportive Arena Sport shkelin ligjet në Kosovës, do të largohen përgjithmonë nga Kosova.
Për kritikat që i kanë bërë deputetët e Kuvendit të Kosovës, disa prej tyre i ka vlerësuar se vendimet e KMP-së, janë tradhti kombëtare, kreu i KPM-së, Jeton Mehmeti tha se këto deklarime kanë ndikuar shumë edhe në punën e KPM-së.
Mehmeti ka ftuar deputetët që të kenë kujdes në përdorim të termave, pasi që KPM është organ i pavarur.
“Ne kemi marrë mbi 200 vendime, ka vendime që dikujt i pëlqejnë dhe dikujt nuk i pëlqejnë”, tha Mehmeti në RTK.
Ai ka folur edhe për ankesat që i kanë bërë qytetarët e Kosovës për ndërprerjen e kanaleve të ndryshme.
“Kontratat nga tani e tutje duhet të jenë bukur të qarta”, tha ai.
