Arinjtë e murrmë të Spanjës, dikur specie në zhdukje, viteve të fundit bredhin nëpër fshatrat malore në veri të vendit aq shpesh sa Qeveria rajonale e Kastiljes dhe Leonit ka ngritur një patrullë për t’i paralajmëruar banorët vendas për lëvizjet e kafshëve.
Patrulla, e cila ka nëntë roje, mbron banorët dhe të korrat e tyre në qytetin minerar të Villablinos, në provincën e afërt të Palencias dhe zona të tjera përreth. Po ashtu, patrulla ka për qëllim të kujdeset për shëndetin dhe sigurinë e species së rrezikuar dhe njëkohësisht të mundësojë bashkëjetesën në zonë ndërmjet njerëzve dhe kafshëve.
Arinjtë e murrmë të rritur mund të peshojnë nga 150 deri 250 kilogramë dhe mund të arrijnë deri në 2 metra. Ata mund të jetojnë deri në 30 vjet. Tri dekada më parë kishin mbetur vetëm 60 arinj të murrmë në Spanjë, por janë mbi 400 sosh. /rel/
Një arushë e murrme me një qafore GPS të vendosur shihet në Villar de Santiago, Spanjë, 4 gusht 2023. Një patrullë prej nëntë rojesh, e ngritur nga qeveria rajonale e Kastiljes dhe Leonit, mbron banorët dhe kopshtet e tyre në zonat përreth, me qëllim që t’i mbajë të sigurt dhe të shëndetshëm arinjtë e murrmë iberikë si specie e rrezikuar dhe njëkohësisht të mundësojë bashkëjetesën ndërmjet njerëzve dhe kafshëve. “Rritja e popullsisë së arinjve çon në rritje të konflikteve (me njerëzit),” tha koordinatori i patrullës Daniel Pinto.
Një arushë e murrme nën efektin e anestezionit derisa veterinerët kryejnë kontrolle shëndetësore si pjesë e programit për monitorimin dhe mbrojtjen e këtyre specieve, në Villarino, Spanjë, 8 shtator 2021. Patrulla, në kurthin e së cilës deri tani kanë rënë 12 arinj, ka për qëllim të përmirësojë mënyrën e sjelljes së arinjve, duke kryer kontrolle mjekësore dhe duke u vendosur qafore me GPS derisa ata janë nën efektin e anestezionit.
“Ajo që duam është t’i monitorojmë në çdo kohë, në kohë reale… të jemi në gjendje të veprojmë shpejt, gjithmonë, që të përmirësojmë bashkëjetesën e arinjve me njerëzit”, tha David Cubero, koordinator i planit të kapjes së arinjve të murrmë.
Pjesëtarët e patrullës duke bartur një ari, i cili ende është nën efektin e anestezionit, drejt kafazit me telekomandë pasi e kanë kontrolluar dhe ia kanë vendosur qaforen me GPS.
Daniel Pinto, menaxher operacional i një patrulle speciale që monitoron arinjtë e murrmë iberikë, ngre kurth për arinjtë për t’i vendosur brenda një kafazi që pastaj t’u kryhen kontrolle dhe t’u vensodes qaforet me GPS, në Caboalles de Abajo, Spanjë, 17 gusht 2023. Patrulla monitoron kafshët me një sistem të ri satelitor, një ekip veterinerësh, biologësh dhe rojesh malore të zhvilluar në vitin 2021, si dhe kafazet me telekomandë që mund të kapin arinjtë pa i kapur speciet e tjera. “Qëllimi është të kërkojmë zgjidhje për sfidat e ruajtjes, me të cilat përballemi me arinjtë, kryesisht në mjediset e banuara”, tha David Cubero, koordinator i planit të identifikimit dhe kapjes së ariut të murrmë.
Daniel Pinto, menaxher operativ i patrullës speciale që monitoron arinjtë e murrmë dhe veterineret Laura Martini dhe Nuria Foces, përgatiten për ta vënë nën anestezion një ari të kapur në një kafaz me telekomandë dhe t’i vendosin qaforen me GPS, në Tosande, Spanjë, 20 maj 2022.
Ekzaminimi i gojës së një ariu të murrmë nga veterinerët.
Pasi bien në kurthin e patrullës, ekzaminohen dhe u vendosen qaforet me GPS, arinjtë e murrmë lirohen më larg fshatrave, në mënyrë që ata të mos shkaktojnë dëme në kopshtet dhe arat e banorëve ku kërkojnë fruta për të ngrënë.
Pasi bien në kurthin e patrullës, ekzaminohen dhe u vendosen qaforet me GPS, arinjtë e murrmë lirohen më larg fshatrave, në mënyrë që ata të mos shkaktojnë dëme në kopshtet dhe arat e banorëve ku kërkojnë fruta për të ngrënë.
Historikisht, arinjtë e murrmë bredhin në pjesën më të madhe të gadishullit Iberik, por gjuetia dhe humbja e habitatit të tyre patën një ndikim të rëndësishëm tek ata. Ariu i murrmë mori statusin e kafshës së mbrojtur në vitin 1973, megjithëse gjuetia u lejua të vazhdonte.
Dritat shkëlqejnë në një fshat, siç shihen nga malet, gjatë një patrulle kërkimi për arinjtë e murrmë iberikë që bredhin fshatrave në Tejedo del Sil, Spanjë, gusht 2023. Sapo patrulla merr ndonjë telefonatë në linjën e saj 24-orëshe, pjesëtarët e saj rrëmbejnë radiot e tyre, armët e gjahut me municion gome dhe pajisjet gjurmuese dhe nxitojnë të dalin nga dera për t’i penguar arinjtë duke gjuajtur të shtëna paralajmëruese dhe duke ndjekur një protokoll të rreptë.
Pinto, duke ushqyer qentë ndërsa teknikët të mund të përgatisin një kafaz me telekomandë për të kapur një ari të parë aty pranë, në Tosande, Spanjë, 17 maj 2022.
Mbrojtësit e mjedisit dhe veterinerët duke monitoruar malet ku jetojnë arinjtë e murrmë iberikë, në Valle de Pineda, Spanjë, 18 maj 2022.
Angeles Orallo, 73 vjeç dhe burri i saj Valentin Ruiz Barreiro në shtëpinë e tyre në Villarino, Spanjë, 2 nëntor 2023. Për disa, arinjtë janë mirëseardhur bashkë me numrin e shtuar të turistëve që ata tërheqin, por për të tjerë, ata janë të padëshiruar. “Ne jemi njerëz të moshuar… fakti që nuk mund të dalim për një shëtitje të qetë, është i trishtueshëm”, u ankua Orallo, e cila ka luftuar për t’i mbajtur arinjtë jashtë kopshtit të saj me perime.
Një anëtar i Patrullës duke monitoruar një ari të murrmë që hyn në një kafaz me telekomandë, nga pamjet që ofrojnë kamerat e vendosura rreth kurtheve në Villarino, Spanjë, 8 shtator 2021.
Një ari i murrmë iberik kafshon hekurat e një kafazi me telekomandë.
Përgatitja e gjilpërës me anestezion për një ari, që ka rënë në kurthin e ngritur në Tosande, Spanjë, 20 maj 2022.
Patrulla duke ia matur kokën një ariu në Tosande, Spanjë, 5 korrik 2023.
Njerëzit vizitojnë një ekspozitë të arinjve të murrmë iberikë në Shtëpinë e Parkut Natyror Malor Palentine në Cervera de Pisuerga, Spanjë, 1 nëntor 2023.
Një ari i murrmë duke dalë nga një kafaz me telekomandë, pasi është ekzaminuar dhe i është vendosur qaforja me GPS në Tosande, Spanjë, 20 maj 2022.
Tri dekada më parë kishin mbetur vetëm 60 arinj të tillë në Spanjë, por sot numri i tyre ka arritur në mbi 400 sosh.
