Një 61-vjeçar nga Maqedonia e Veriut, është gjetur pa shenja jete në një motel në Ferizaj.
Lajmin e ka konfirmuar për RTKlive zëdhënësi i policisë për rajonin e Ferizajt, Kanun Veseli.
Ai tha se rasti ka ndodhur sot rreth orës 16:35, dhe vdekja është konfirmuar nga mjekët.
“Më datën 15.02.2024, rreth orës 16:35 kemi pranuar një informatë se në rrugën magjistrale Ferizaj-Prishtinë, në një motel në Ferizaj, një person, mashkull, i moshës 61 vjeçar, shtetas i Maqedonisë së Veriut është gjetur pa shenja jete, vdekja e të cilit është konfirmuar nga mjekët kujdestar”, tha Veseli.
Policia ka dalë në vendin e ngjarjes, ndërsa me vendim të prokurorit kujdestar, trupi i pajetë është dërguar në Institutin e Mjekësisë Ligjore në Prishtinë për obduksion.
Rasti është cilësuar si “Hetim mbi vdekjen”.
