Ish-ministri i jashtëm i Kosovës tani deputet i PDK-së dhe nënkryetar i Kuvendit të Kosovës, Enver Hoxhaj, ka takuar ish-sekretarin e shtetit amerikan, John Kerry, në Konferencën e Sigurisë në Mynih, me të cilin tha se biseduan rreth Kosovës dhe rajonit.
“Takim me mikun e Kosovës dhe me mikun tim të veçantë John Kerry, ish-sekretar i Shtetit amerikan. Biseduam shkurt për vendin dhe rajonin dhe ish-sekretari shprehu mbështetjen për Kosovën”, ka shkruar Hoxhaj në rrjetin social ‘Facebook’.
Hoxhaj ka shkruar se në prag të festimit të 16-vjetorit të Pavarësisë së Kosovës, i ka shprehur ish-sekretarit amerikan Kerry mirënjohjen për mbështetjen e madhe ndaj Kosovës dhe popullit tonë.
“Në prag të festimit të 16-vjetorit të Pavarësisë, i shpreha mirënjohjen për mbështetjen e madhe ndaj Kosovës dhe popullit tonë. Zoti e bekoftë Amerikën, Zoti i bekoftë miqtë tanë!”, ka shkruar në fund Enver Hoxhaj. /Kosovatimes/
