Kryetari i Partisë Demokratike të Kosovës, Memli Krasniqi ka njoftuar se gjatë ditës sotme ka pritur në takim ambasadorin amerikan në Prishtinë, Jeffrey Hovenier.
Krasniqi, në një njoftim në Facebook, thotëse me ambasadorin Hovenier ka diskutuar rreth zhvillimeve të fundit politike në vend.
“Në prag të shënimit të 16 vjetorit të Pavarësisë së Kosovës, duke vlerësuar lart mbështetjen e pakusht e të parezervë të SHBA-ve në rrugëtimin e gjatë të vendit tonë drejt lirisë, pavarësisë dhe shtetndërtimit, theksova se është thelbësore ruajtja dhe thellimi i partneritetit me SHBA-të – kryealeatin strategjik të Kosovës”, shkruan Krasniqi.
Kreu i PDK-së zotohet se do të vazhdojë të angazhohet në këtë drejtim, të luaj rol konstruktiv në avancimin e raporteve të mira me Shtetet e Bashkuara të Amerikës.
