Gjatë pjesëmarrjes në Konferencën e Sigurisë në Munih, Kryeministri Albin Kurti, dhe ministrja e Punëve të Jashtme dhe Diasporës, Donika Gërvalla Schwarz, kanë takuar dhe kongresistë amerikanë.
Me kongresisten Nancy Pelosi, kongresistet Claudia Tenney dhe Ann Wagner dhe kongresistët, Mike Turner, Brett Guthrie, Jim Himes dhe Gregory Meeks, kryeministri Kurti ka folur për marrëdhëniet dhe partneritetin dypalësh, progresin ekonomik dhe sukseset e Kosovës dhe rolin e veçantë që ShBA-të kanë luajtur para, gjatë dhe pas shpalljes së pavarësisë.
“Si histori e suksesit të intervenimit të NATO-s në pranverën e vitit 1999, të udhëhequr nga Shtetet e Bashkuara të Amerikës, Kosova sot synon anëtarësimin në NATO, jo vetëm për të përfituar nga ajo por edhe për të kontribuar në këtë aleancë” ka deklaruar kryeministri.
Ai ka përmendur bashkëzbarkimin e suksesshëm të Forcës së Sigurisë së Kosovës (FSK) me ushtrinë amerikane të Gardës Kombëtare të Ioëa-s në Kuvajt dhe ka thënë se më shumë bashkëpunime të tilla janë të mirëseardhura.
Kurti ka theksuar se Shtetet e Bashkuara të Amerikës janë aleat dhe partner i pazëvendësueshëm i Kosovës.
“ Më tej, u diskutua edhe për procesin e dialogut në Bruksel, raportet ndërmjet Kosovës dhe Serbisë dhe rregulloren e Bankës Qendrore të Kosovës. Kryeministri tha se Kosova dhe Serbia kanë marrëveshje, Marrëveshjen Bazike dhe Aneksin e saj, por e cila është shkelur vazhdimisht nga Serbia, ndërkohë që përkundër insistimit të tij për ta nënshkruar atë, Serbia në vazhdimësi e ka refuzuar një gjë të tillë”, thuhet në komunikatën e Qeverisë së Kosovës. /Kosovatimes/
