Presidentja e Republikës së Kosovës, Vjosa Osmani, me rastin e 17 shkurtit, Ditës së Pavarësisë, ka pranuar telegram urimi nga presidenti i Italisë, Sergio Mattarella.
Në letrën e tij, presidenti Mattarella ka thënë se Italia do të qëndrojë përkrah Kosovës në konsolidimin e institucioneve demokratike dhe sigurinë e saj.
“Me rastin e festës kombëtare, dëshiroj t’ju dërgoj urime të përzemerta në emër të popullit italian dhe emrin tim”, ka shkruar presidenti Mattarella.
Tutje në mesazhin e tij, Mattarella ka thënë se sfidat gjeopolitkie më të cilat po përballet kontinenti ynë në këtë monent historik, kërkojnë një shtysë të përtrirë për projektin evropian, i cili nuk mund të anashkalojë integrimin e vendeve të Ballkanit Përendimor.
“Në këtë kontekst, në rrugën e saj drejt Bashkimit Evropian, Kosova mund të vazhdojë të llogarisë në mbështetjen e plotë të Italisë. Por që ky synim strategjik të kurorëzohet me suksesin e dëshiruar, nevojiten perpjekje të reja konstruktive në drejtim të reformave dhe në procesin e normalizimit të marrëdhenieve me Serbinë. Duke ju konfirmuar se Italia do të qëndrojë përkrah Kosovës në konsolidimin e institucioneve të saj demokratike dhe sigurinë e saj – edhe pse përmes pjesëmarrjes sonë në misionin e KFOR-it, edhe njëherë ju përcjellë urimet më të ngrohta për mirëqenien tuaj dhe për prosperitetinn e popullit mik kosovar”, ka shkruar presidenti Mattarella.
