Në kuadër të shënimit të 16-vjetorit të Pavarësisë, Agjencia Shtetërore e Arkivave të Kosovës ka organizuar ekspozitë me dokumente arkivore “Adem Demaçi: Vdes kur dua vetë” në kuadër të shënimit të 16 vjetorit të pavarësisë së Kosovës.
Me këtë rast, drejtori ekzekutiv i kësaj agjencie, Bislim Bislimi, tha se Demaçi mbetet hero i pavdekshëm për të gjithë.
“Për jetën dhe veprën e heroit të pavdekshëm, është folur dhe do të flitet gjithmonë. Adem Demaçi u shndërrua në liderin shtetërorë të aktivistëve, militantëve të lëvizjës për liri. Ai u bë heroi i heronjëve. Agjenci Shtetërore e Arkivave që ka detyrë të mirëmbajë kujtesen historike, po e bënë një hap të vogël duke risjellë të përmbledhur para publikut dosjen Demaçit”, tha ai.
Demaçin e kujtoi edhe bashkëveprimtari i tij, Selatin Novosella.
“Edhe njëherë na tubojë baca Adem, sikur na ka tubuar gjithë jetën e tij. Si 23 vjeçar, gjykimin e parë Adem Demaçi deklaron: Po ju them edhe njëherë se nëse Serbia dhe Jugosllavia vazhdojnë një politikë ndaj shqiptarëve, do të bëhet shkaktare e trazirave dhe kryengritjeve në Jugosllavi dhe rajon. Dhe Serbia tha në fund se do të mbetet pa Kosovën. Nuk ka njeriu se çfarë i shton këtij mendimi”, shtoi ai.
Ekspozita po mbahet në bibliotekën kombëtare.
