Kryetari i Komisionit për Punë të Jashtme të Bundestagut gjerman, Michael Roth , ka shkruar në rrjetin social “X” se Serbia gjithnjë e më shumë i ngjan një regjimi autoritar. Ai ndau gjithashtu një video nga Beogradi, të realizuar në Ditën e Shtetësisë në Trg Republike në Beograd.
“Presidenti Vuçiq po mban një fjalim në festën kombëtare, i cili transmetohet drejtpërdrejt përmes altoparlantëve në sheshin kryesor të Beogradit. Të dashur miq në Bashkimin Evropian dhe në SHBA, më thoni, a ndodh kjo në ndonjë demokraci tjetër” , pyeti politikani gjerman.
Ai ka shpërndarë një video nga Beogradi, e cila ka dy ditë që qarkullon në rrjetet sociale, e krijuar më 15 shkurt. Trg Republike ishte në errësirë të madhe dhe ata që ndodheshin aty ose kaluan aty mund të dëgjonin fjalimin e Presidentit Aleksandar Vuçiq nga sistemi i adresimit publik.
