Llapi e ka mposhtur Dukagjinin në kuadër të Javës së 20-të të Superligës së Kosovës. Ndërsa Malisheva e ka deklasuar Fushë-Kosovën.
Në stadiumin “Zahir Pajaziti” ndeshja është mbyllur me rezultat 2-1. Të dy golat për skuadrën nga Podujeva i ka shënuar Hyseni (9′, 57′). Golin e vetëm për Dukagjinin e ka realizuar Vitor Hugo në fund të ndeshjes. Nga minuta e shtatë Dukagjini ka luajtur me dhjetë lojtarë pasi Iseni është ndëshkuar me karton të kuq.
Në Malishevë ka pasur më shumë gola.
Haziraj (5′), Aliu (26′), Hazrollaj (50′) dhe Xhylani (71′) kanë realizuar për skuadrën e Kosovës qendrore në ndeshjen e luajtur në stadiumin “Liman Gegaj” për rezultatin 4-1. Golin e vetëm për skuadrën mysafire e ka realizuar Hajdari (89′).
Në tabelën e kryesuar nga Ballkani, Llapi gjendet në vendin e dytë e Malisheva në vendin e katërt, ndërsa Dukagjini është në vendin e gjashtë e Fushë-Kosova në vendin e nëntë.
