Shoqata Sindikale e QKUK-se ka paralajmëruar protesta gjatë javës së ardhshme deri në plotësimin e kërkesave të infermierëve. Këtë e bëri të ditur Enlirat K. Duraku, anëtar i Kuvendit të Oda e Infermiereve te Kosovës.
Sipas tij duke e respektuar mbështetjen e Shoqatës Sindikale te QKUK-se me Kryetar Dr. Xhemajl Selmani dhe nënkryetari Agron Kryeziu si dhe te gjithë kryesine dhe Këshillin Drejtues te kësaj shoqate sindikale për mbështetjen e PROTESTES dhe kërkesave te infermiereve, do presin mbështetje nga të gjithë.
Kjo grevë sipas paralajmërimeve do të fillojë nga date 26 shkurt duke filluar nga ora 12:00 do filloj grevën deri ne realizim te kërkesave si ne vijim: Formimi i drejtorisë së Infermierisë ne QKUK; Pagesa e shtesave te tregut dhe shtesave për nëpunës shëndetësor ne sistemin publik shëndetësor, respektivisht përfshirjen e komuniteteve tona ne Ligjin e Pagave; Pagesën e punës gjate vikendeve; Pagesën e punës gjate festave; Pagesën e rrezikshmërisë dhe pagesën e orëve shtese.
“Janë te mirëseardhur te gjithë ata kolege qe kane guxim dhe qe ndajnë te njëjtin mendim me ne si infermier dhe shoqatat sindikale brenda QKUK-se te cilat realisht kane guximin te na bashkëngjiten ne greve, ndërsa nuk pres qe OIK ta mbështetë grevën fizikisht, mirëpo vetëm përmes një postimi ne rrjetin social i cili nuk ka asnjë peshe sinjifikante apo edhe ndikim”, thekson Duraku.
Ai tha se pavarësisht protestës infermierët do të kujdesen që shërbimet jetike sipas legjislacionit në fuqi dhe Ligjit për Grevat të jenë funksionale, duke respektuar te gjitha kornizat ligjore.
Nga ana tjetër ai tha se Kushtetuta e Republikës se Kosovës e cila na jep te drejtën t’i shprehim pakënaqësitë.
Ai në fund tha se me kohe do njoftohen organet e rendit dhe punëdhënësi për fillimin e grevës. /Kosovatimes/
