Roja bregdetare të Kinës përmes një deklarate bëri të ditur se do të forcojë aktivitetet e saj “të zbatimit të ligjit” dhe do të kryejë patrulla të rregullta rreth një grupi të vogël ishujsh të kontrolluar nga Tajvani në brigjet kineze, ndërsa tensionet rriten për vdekjen e dy shtetasve kinezë.
Tajvani mbrojti të enjten veprimet e rojës së saj bregdetare pasi dy persona në një skaf kinez, i cili iu afrua shumë një ishulli tajvanez të vijës së parë, vdiqën kur varka e tyre u përmbys ndërsa përpiqeshin të iknin nga një anije e rojës bregdetare. Dy të tjerë mbijetuan.
Tajvani, të cilin Kina e pretendon si territor të vetin, është ankuar në vitet e fundit për anijet kineze të peshkimit dhe anijet e tjera që operojnë në ujërat e kontrolluara nga Tajvani, veçanërisht rreth ishujve Kinmen dhe Matsu, të cilët ndodhen në një distancë të shkurtër nga bregu i Kinës.
