Policia e Kosovës ka njoftuar se ka arrestuar në Ferizaj shtetasin kosovar V.A. për të cilin kishte urdhër-arrest ndërkombëtar.
Sipas Policisë, 35-vjeçari ishte shpallur në kërkim ndërkombëtar nga Norvegjia për veprën penale “vrasje”, të cilën dyshohet se e ka kryer më 7 tetor të vitit 2021 në Oslo.
“Personi i arrestuar përveç shtetësisë kosovare, posedon edhe shtetësi norvegjeze, ndërsa në momentin e arrestimit të njëjtit i është gjetur një armë zjarri si dhe disa pasaporta të shteteve të tjera të cilat me gjase janë te falsifikuara”, thuhet në njoftimin e Policisë së Kosovës.
Tutje u tha se ndaj personit të arrestuar do të vazhdojnë procedurat e parapara për raste të tilla.
