Policia e Kosovës ka bërë të ditur se tre persona janë raportuar të zhdukur gjatë 24 orëve të fundit në Kosovë.
Një rast është raportuar se ka ndodhur në Prishtinë, ku gruaja ka raportuar se që nga 29 janari nuk di asgjë për vendndodhjen e bashkëshortit të saj.
“Ankuesja femër kosovare ka raportuar se bashkëshorti i saj viktima mashkull kosovar ka dalë nga shtëpia dhe nuk dihet vendndodhja e tij”, thuhet në raportin e Policisë.
Rasti tjetër është raportuar në Podujevë ku e zhdukur që nga 17 shkurti është thuhet se është një grua.
“Raportohet se viktima femër kosovare ka dalë nga shtëpia dhe nuk dihet vendndodhja e saj”, thuhet në raportin e Policisë së Kosovës.
Rasti i tretë ka ndodhur në Fushë-Kosovë, u djali ka raportuar se i është zhdukur babai nga data 15 shkurt.
“Ankuesi mashkull kosovar ka raportuar se babai i tij viktima mashkull kosovar ka dalë nga shtëpia dhe nuk dihet vendndodhja e tij”, thuhet në raportin e policisë.
Të tri rastet thuhet se janë duke u hetuar.
