Ikona e muzikës Madonna pësoi një aksident në skenë gjatë performancës së saj të fundit dhe pamjet e rënies së saj të vështirë u bënë shpejt virale në mediat sociale. Gjithçka ka ndodhur shumë shpejt dhe duket se rënien e ka shkaktuar kërcimtarja e saj.
Në një koncert në Seattle, të mbajtur në Climate Pledge Arena të dielën, një nga kërcimtarët humbi ekuilibrin, duke shkaktuar rënien e Madonës.
Teksa performonte hitin “ Open Your Heart ”, 65-vjeçarja u ul në një karrige, ndërsa një balerin me taka të larta e tërhoqi zvarrë në anën tjetër të skenës. Në një moment, kërcimtari u pengua ose rrëshqiti. Në video shihet se i ka lëshuar këmba dhe teksa ka nisur të bjerë ka tërhequr edhe karrigen e Madonës.
Në video shihej se si Madonna ra mbrapsht nga karrigia, por e mori veten shpejt nga rënia, u kthye në bark dhe vazhdoi të këndonte, duke e injoruar incidentin duke qeshur, duke zbuluar kështu se po këndonte në playback. Domethënë, duke qenë se muzika nuk ishte ndalur, dëgjohej qartë, sidomos kur ajo qeshte.
Në rrjetet sociale disa bënë shaka se ajo sillej kështu pasi tashmë ka shumë përvojë në rënie. Një nga rëniet për të cilat u shkrua për një kohë të gjatë ishte ajo në Brit Awards 2015. Më pas këngëtarja u rrëzua nga shkallët.
