Autoritetet estoneze kanë arrestuar gjashtë persona të dyshuar se punonin për shërbimet e inteligjencës ruse, sipas një njoftimi për shtyp nga policia e sigurisë e vendit.
Në total u arrestuan dhjetë persona. Emrat e tyre nuk janë përmendur – vetëm specifikohet se në mesin e të dyshuarve ka shtetas rusë dhe qytetarë vendas.
Sipas hetimeve, të arrestuarit morën pjesë në një “operacion hibrid” kundër sigurisë së Estonisë, qëllimi i të cilit ishte “të mbillnin frikë dhe të krijonin tension në shoqërinë estoneze”. Në veçanti, me udhëzime nga shërbimet speciale ruse, ata mblodhën informacione për përgatitjen e sulmeve terroriste. Në komunikatën për media thuhet se disa prej tyre madje janë kryer, por për çfarë saktësisht bëhet fjalë nuk përmendet.
Autoritetet ruse nuk e kanë komentuar ende informacionin.
