Universiteti i Prishtinës “Hasan Prishtina” ka shënuar Ditën Ndërkombëtare të Gjuhës Amtare.
Rektori Qerim Qerimi, në fjalimin e tij në këtë ngjarje, ka theksuar se gjuha amtare është thelbi i identitetit kombëtar dhe trashëgimia kulturore e një populli.
“Ai shtoi se angazhimi për promovimin dhe përmirësimin e gjuhës amtare është një detyrë e përbashkët për të gjithë”, thuhet në njoftimin e UP-së.
Nga ana tjetër, kryeministri Albin Kurti, theksoi se gjuha shqipe është më e gjerë e më e thellë sesa të gjithë ne bashkë. Sipas tij, të gjitha gjeneratat duhet të kontribuojnë në promovimin e gjuhës shqipe.
Në këtë ngjarje mori pjesë edhe ministrja e Arsimit, Arbërie Nagavci. /Kosovatimes/
