Ministri i Shëndetësisë, Arben Vitia, ka thënë se nëse dikush nga sistemi shëndetësor është përgjegjës për rastin e vdekjes së vajzës 4-vjeçare nga Gjakova, duhet të ketë masa.
“Për cilindo që ka mundur të jetë përgjegjës në sistemin shëndetësor duhet të ketë masa, pa vonesë. I bëj thirrje organeve të hetimit që sa më parë rasti të hetohet në çdo detaj”, ka shkruar ai.
Sot gjatë ditës koalicioni i OJQ-ve KOMF ka bërë thirrje që institucionet përgjegjëse në përmbushje të mandatit të tyre, të trajtojnë me prioritet absolut rastin dhe të ndërmarrin në mënyrë të menjëhershme veprimet dhe masat e nevojshme sipas legjislacionit në fuqi.
Ndërkaq Shoqata e të Drejtave të Pacientëve në Kosovë kanë reaguar duke shprehur dyshimet e tyre për menaxhim jo të mirë të rastit të 4-vjeçares nga stafi mjekësor. /Kosovatimes/
