Lideri i lëvizjes Dashuria, Besimi, Shpresa, Nemanja Sharoviç, ka publikuar sot në rrjetet sociale një video me fishekzjarre që sipas tij janë nisur për ditëlindjen e Milan Radoiçiqit.
Radoiçiq, të kujtojmë, Organizata Ndërkombëtare e Policisë Interpol ka lëshuar fletarrest ndërkombëtar për Milan Radoiçiqin dhe 18 persona të tjerë me kërkesë të policisë së Kosovës për incidentin në Banjskë ku humbën jetën katër persona.
Sharoviç, së bashku me videon e ngarkuar, ka pyetur se çfarë i ka dhuruar Aleksandar Vuçiq për ditëlindjen e tij.
Kujtojmë se konflikti i armatosur në mes të një grupi të armatosur të serbëve dhe pjesëtarëve të Policisë së Kosovës në Banjska kishte shpërthyer më 24 shtator të vitit të kaluar. Më pas fillimisht në orët e hershme të mëngjesit në hyrje të fshatit është vrarë një rreshter i njësitit të rregullt të Policisë së Kosovës. Më pas në këtë vend u vranë tre anëtarë të grupit të serbëve, ndërsa disa të tjerë u plagosën dhe u arrestuan.
Në ndërkohë përgjegjësinë për organizimin e sulmit e ka marrë ish-nënkryetari i Listës Serbe, Milan Radoiçiq.
Në Serbi, Radoiçiq akuzohej për shkaktim të rrezikut të përgjithshëm dhe armëmbajtje pa leje, ai u arrestua në Beograd, por pas një seance në Gjykatën e Lartë në Beograd, ai u lirua për t’u mbrojtur.
Gjithashtu, biznesmeni kontrovers nga Kosova dhe Metohia është nën sanksionet e SHBA-së dhe Britanisë së Madhe.
Милан Радоичић је јуче на Копаонику, уз ватромет и транспарент "СРЕЋАН РОЂЕНДАН КОМАНДАНТЕ!!!" прославио 46. рођендан.
Шта ли му је @avucic поклонио? pic.twitter.com/iZUEqfWX4i
— Немања Шаровић (@NemanjaSarovic) February 22, 2024
