Një izraelit u vra dhe tetë u plagosën pas të shtënave në një autostradë në hyrje të Jerusalemit, konfirmoi policia izraelite herët të enjten.
Sipas Jerusalem Post , tre sulmuesit u vranë në vend, njoftoi policia. Ata u identifikuan si palestinezë dhe sipas hetimeve fillestare dy prej tyre janë nga Betlehemi. Sipas raportimeve të para, sulmuesit kanë përfituar nga turma në autostradë. Ata erdhën me dy automjete të veçanta të armatosur me një pushkë M-16, një automatik Carlo dhe granata. Më pas ata kanë zbritur nga automjetet e tyre dhe kanë nisur të qëllojnë mbi personat që ndodheshin në makina.
Shërbimet e emergjencës janë aktualisht në vendngjarje për të ndihmuar të lënduarit.
“Kemi kohë që kontaktojmë me Ministrinë e Sigurisë Kombëtare, Ministrinë e Sigurisë, IDF dhe policinë, duke i paralajmëruar për sjelljen në pikën e kontrollit të tunelit. “Këto bllokime trafiku janë një recetë për planifikimin e sulmeve ndaj izraelitëve që presin në trafik,” tha Revivi.
