Kryeministri i Kosovës, Albin Kurti, ka udhëtuar për në Londër.
Sipas njoftimit nga Qeveria e Kosovës, Kurti ka udhëtuar atje së bashku me ministrin e Financave, Punës dhe Transfereve, Hekuran Murati.
Ndërsa është bërë e ditur se ata do të marrin pjesë në Samitin për Investime në Ballkanin Perëndimor 2024.
“Ai, së bashku me ministrin e Financave, Punës dhe Transfereve, Hekuran Murati, do të marrë pjesë në Samitin për Investime në Ballkanin Perëndimor 2024 të organizuar nga Banka Evropiane për Rindërtim dhe Zhvillim”, thuhet në njoftimin e Zyrës së Kryeministrit.
Ndryshe Banka Europiane për Rindërtim dhe Zhvillim (BERZh) do të organizojë Samitin e Ballkanit Perëndimor për vitin 2024 në Londër.
Sipas një njoftimi nga BERZh, Samiti do të mbahet të hënën më 26.02.2024.
“Ngjarja do t’i bëjë bashkë 6 kryeministrat e shteteve të Ballkanit Perëndimor, po ashtu edhe investitorët ndërkombëtarë me qëllim për të nxjerrë në pah investimet potenciale dhe mundësit biznesore në regjion, dhe të promovohen projektet rajonale ndërkufitare”, thuhet në njoftimin e BERZh-it. /Kosovatimes/
