Kryeministri Albin Kurti nëpërmjet një reagimi në platformën X ka premtuar mbështetje ndaj Ukrainës, në 2-vjetorin e nisjes së agresionit rus.
“Përballë agresionit brutal, populli ukrainas i ka rezistuar me sukses përpjekjes së Rusisë për të kapur dhe pushtuar Kievin. Ushtarët e tyre vazhdojnë luftën e një populli të tërë – aq të guximshëm dhe të vendosur si kurrë më parë. I përshëndesim dhe premtojmë mbështetjen tonë të palëkundur, derisa fitorja të jetë e tyre”, ka shkruar ai.
Tutje Kurti e ka cilësuar Rusinë si kërcënim autoritar për sigurinë evropiane.
“Kanë kaluar 2 vjet që nga pushtimi i Ukrainës nga Rusia, i cili ka rezultuar në mbi 6 milionë refugjatë ukrainas jashtë vendit, mijëra vdekje civile dhe shkatërrim të shtëpive, jetëve dhe mjeteve të jetesës”, ka shkruar Kurti. /Kosovatimes/
It has been 2 years since Russia's invasion of Ukraine, which has resulted in over 6 million Ukrainian refugees abroad, thousands of civilian deaths, & devastating destruction of homes, lives, and livelihoods. The authoritarian threat to European security could not be more acute.
— Albin Kurti (@albinkurti) February 24, 2024
