Ministri i Mjedisit, Planifikimit Hapësinor dhe Infrastrukturës, Liburn Aliu, nuk u paraqit as sot në mbledhjen e Komisionit për Mbikëqyrje të Financave Publike ku ka qenë i ftuar.
Shqyrtimi i raportit të auditimit të performancës “Prokurimet e negociuara pa publikim të njoftimit për kontratë në Ministrinë e Mjedisit, Planifikimit Hapësinor dhe Infrastrukturës në vitin 2021”, u shty nga java e kaluar për sot.
Anëtarët e Komisionit për mbikëqyrjen e financave publike të pozitës e opozitës u përplasën në komision.
Deputetet e pozitës mbrojtën punën e ministrit Aliu, ndërkohë opozitarët kërkuan që raporti të shkoj në Kuvend për shqyrtim, në mungesë të raportimit të Aliut në mbledhjet e thirrura.
