Qing Gang, 57 vjeç, i cili konsiderohej një bashkëpunëtor i ngushtë i presidentit kinez Xi Jinping, erdhi në krye të ministrisë së jashtme në dhjetor 2022, por u zëvendësua shtatë muaj më vonë.
Shkarkimi i tij ishte një surprizë dhe autoritetet nuk publikuan asnjë shpjegim për këtë.
Ai mbajti vendin e tij si përfaqësues në Parlament, një organ i kontrolluar nga Partia Komuniste e Kinës në pushtet.
“Dorëheqja e Qin Gang është pranuar”, njoftoi dje agjencia kineze e lajmeve Xinhua.
Lajmi u publikua përpara se sesioni vjetor i Parlamentit kinez, i cili mbledh rreth 3000 deputetë, të nisë në Pekin javën e ardhshme.
Wang Yi, i cili ishte ministër para Qin Gang, u kthye në atë post pas largimit të Qin. Wang Yi është gjithashtu zyrtari më i lartë përgjegjës për marrëdhëniet diplomatike në Partinë Komuniste Kineze.
