Kryeministri i Kosovës, Albin Kurti, u takua me liderin e opozitës në Irlandën Veriore, socialdemokratin Matthew O`Toole.
Bëhet e ditur se kryeministri Kurti, në Belfast, vijoi me takimin e radhës me spektrin politik në vend, kësaj here me liderin e opozitës në Irlandën Veriore, socialdemokratin Matthew O’Toole.
“Ata diskutuan mbi vlerat dhe parimet e përbashkëta demokratike që i ndajnë si liderë nga parti simotra socialdemokrate. Më tej, u trajtua edhe rëndësia e mësimit nga e kaluara, në kontekstin e historisë dhe përjetimeve të vendeve tona. U përmend dhe rreziku që paraqet keqpërdorimi i mediave sociale në nxitjen e konflikteve, mosdurimin dhe mospajtime etnike”, thuhet në njoftimin e zyrës për informim të Kryeministrit.
Gjithashtu bëhet e ditur se Kurti ka shprehur mirënjohje për mikpritjen dhe takimin e zhvilluar, kryeministri e falënderoi socialdemokratin O’Toole për bisedën dhe pikëpamjet e shkëmbyera. /Kosovatimes/
