Shefja e UNMIK-ut, Caroline Ziadeh, është takuar me emisarin special të Gjermanisë për Ballkanin Perëndimor, Manuel Sarrazin.
Ziadeh ka njoftuar se me Sarrazin kanë diskutuar për situatën aktuale një vit pas Marrëveshjes për Rrugën drejt Normalizimit në mes të Kosovës dhe Serbisë.
Ajo ka theksuar se dialogu është e vetmja rrugë e mundshme përpara.
“Përfaqësuesja Speciale e Sekretarit të Përgjithshëm Ziadeh u takua me Përfaqësuesin Special të Gjermanisë për vendet e Ballkanit Perëndimor, Manuel Sarrazin, duke diskutuar situatën aktuale një vit pas Marrëveshjes për Rrugën e Normalizimit ndërmjet Kosovës dhe Serbisë, duke theksuar se dialogu është e vetmja rrugë e mundshme përpara”, thuhet në njoftimin e UMIK-ut.
