Komisioni Ad-hoc për përzgjedhjen e kandidatëve për anëtar në Komisionin e Pavarur të Mediave, të enjten shqyrtoi listën e kandidatëve të propozuar për anëtar të KPM-së.
Në komision u tha se Kuvendi ka pranuar aplikacionet e 8 kandidatëve, ku 4 prej tyre janë nga komunitetet joshumicë.
2 kandidate nga 8 kandidatët, nuk do të ftohen për intervistim, pasi u tha se njëra nuk ka plotësuar kushtet e konkursit deri për një kandidate tjetër u tha se ka plotësuar të gjitha kriteret e parapara, por se u tha se ajo nuk mund të ftohet në intervistim pasi është bashkëshorte e njërit prej anëtarëve të tanishëm të KPM-së.
“Kemi një mostër vlerësimi ku në 4 kolona është vlerësimi arsimi dhe përvoja maksimale 5 pikë, njohuritë për të cilën ka aplikuar, integriteti maksimumi 5 pikë dhe vizioni 5 pikë gjithsej totali 30 pikë”, ka thënë Besim Muzaqi, kryetar i komisionit.
Sa i përket kohëzgjatjes së intervistimeve, fillimisht u tha të jetë 15 minuta, derisa nga Deputeti Mërgim Lushtaku, anëtar i komisionit u tha se është e pamjaftueshme, derisa propozoi 30 minuta.
“Besoj që 15 minuta nuk ka mundësi as mu prezantu dikush, me pas një prezantim një opinion një qëndrim, prandaj besoj që minimalisht ish dashtë me qenë një vlerësim është 30 minuta”, ka thënë Lushtaku.
Derisa u vendosë që kohëzgjatja e intervistimit të jetë 20 minuta.
Në mbledhje u vendos që totali I vlerësimit të jetë 30 pikë.
“Me rendësi është se 30 pikëshi është maksimalja edhe le të vazhdojë se besoj që ka ndonjë problem”, ka thënë Time Kadrijaj, zv. Kryetare e parë e komisionit.
Kundër kësaj ishte Deputeti, Mërgim Lushtaku, i cili propozoi që të jetë me 100 pikë, sikur më parë.
Komisioni vendosi që intervistimi i këtyre kandidatëve të behët ditën e hënë.
