Këshilltari i Ministrisë së Punëve të Jashtme dhe Diasporës, Qerim Bajrami, është sulmuar fizikisht dhe ka pësuar lëndime trupore.
Siç kanë raportuar nga policia, rasti ka ndodhur sot rreth orës 16:00, në Prizren, ku viktima është goditur me boks në hundë.
Zëdhënësi i policisë për rajonin e Prizrenit, Shaqir Bytyqi, ka thënë për RTKlive se rasti ka ndodhur derisa sulmuesi po luante me top, ndërsa Bajrami kishte kërkuar që të ndërpritej loja.
“Rasti i sulmit është raportuar me datë 29.02.2024 rreth orës 16:00 në Prizren. Pas një konflikti verbal në mes të dyshuarit dhe viktimës, i dyshuari e ka goditur me boks viktimën dhe me këtë rast i shkaktuar lëndime në hundë. Policia është duke u marr me rastin. Deri te fjalosja ka ardhur për shkak se i dyshuari me disa të tjerë ka qenë duke luajtur me top ndërsa viktima ka kërkuar nga ata që të ndërpresin lojën e të mos I shqetësojnë”, ka thënë për RTKlive Bytyqi.
