Ministri i Jashtëm rus Sergej Lavrov mbërriti sot në Turqi, ku do të marrë pjesë në një pjesë të forumit vjetor diplomatik në resortin mesdhetar të Antalias. Është planifikuar një takim me presidentin turk Rexhep Tajip Erdogan dhe ministrin e Jashtëm Hakan Fidan.
Sergei Lavrov arrived in Turkey to participate in the Antalya Diplomatic Forum pic.twitter.com/Nm7sWHTMVf
— S p r i n t e r (@Sprinter99800) March 1, 2024
Turqia po përpiqet të ringjallë bisedimet e paqes midis Rusisë dhe Ukrainës dhe mënyrat për të siguruar lundrim të sigurt në Detin e Zi, shkruan Guardian.
Lufta ruso-ukrainase do të jetë një pikë kyçe e diskutimit në forumin, i cili zgjat nga sot deri të dielën, megjithëse kryediplomati rus do të largohet nga mbledhja që nesër.
Që nga pushtimi rus i Ukrainës në shkurt 2022, Ankaraja ka mbajtur me kujdes lidhjet me të dyja palët.
“Turqia, së bashku me Hungarinë, mbetet një nga vendet e fundit në NATO që mban një dialog me Moskën,” tha për AP Sinan Ulgen, drejtor i Qendrës Kërkimore Edam me bazë në Stamboll.
