Kombëtarja U18 e Kosovës në hendboll ka fituar bindshëm në ndeshjen e dytë në IHF Trophy Intercontinental.
Të premten në mëngjes në Tashkent të Uzbekistanit, vajzat tona fituan ndaj Guatemalës me rezultat 31:12. Cilësia ishte plotësisht në anën tonë dhe rezultati e dëshmon këtë.
Si fituese e grupit, Kosova U18 avancon në gjysmëfinale. Të shtunën Kosovar përballet me Kaledoninë e Re. Me fitoren eventuale në ndeshjen e nesërme, Dardanet e reja sigurojnë finalen dhe po ashtu kualifikimin në Kampionatin Botëror që në verë mbahet në Kinë.
Ndaj Guatemalës, Arjeta Imeraj u shpall lojtare e ndeshjes. Ajo i realizoi 7 gola, sa i kishte edhe Andra Uglani. 6 gola i shënoi Arona Krasniqi.
Kualifikimi i mundshëm në Botëror do të ishte sukses historik.
