Ilir Berisha, ish-futbollisti i FC Prishtina ka vendosur të përshëndetet nga futbolli aktiv.
Qendërmbrojtësi ka qenë pjesë e ekipit të Prishtinës dhe skuadra kryeqytetase s’ka qëndruar indiferente përballë vendimit të tij për tërheqje nga fusha e blertë.
Klubi ka shprehur respektin e tyre për kontributin e tij, duke theksuar se do të kujtojnë përherë paraqitjet e tij në fanellën e klubit. “Qendërmbrojtësi, ish-futbollisti i Shkollës së futbollit, FC Prishtina dhe anëtar i skuadrës së parë për dy sezone e gjysmë, 2009-2012, 75 paraqitje dhe 5 gola të shënuar për skuadrën tonë, Ilir Berisha, është përshëndetur nga futbolli i luajtur. FC Prishtina dhe tifozët e saj do të kujtojnë përherë paraqitjet e tij në fanellën e klubit të zemrës. I urojmë suksese në vazhdim të karrierës në zejen e trajnerit”, ka shkruar Prishtina .
Gjatë karrierës së tij, Berisha ka luajtur edhe për disa skuadra të tjera, duke përfshirë Flamurtarin në Shqipëri dhe skuadra suedeze si Orebro, Gefle, dhe Vasteras. Ai gjithashtu ka përfaqësuar Kosovën në tre ndeshje zyrtare.
Për të ardhmen, Berisha ka vendosur të vazhdojë karrierën e tij në rolin e trajnerit.
