Parlamenti i ri i Pakistanit e ka zgjedhur kryetarin e ri të premten, pavarësisht protestave të ligjvënësve besnikë të ish-kryeministrit të burgosur Imran Khan, tri javë pas zgjedhjeve që ata i konsiderojnë si të manipuluara.
Sardar Ayaz Sadiq i partisë së përkrahur prej ushtrisë, Pakistan Muslim League-Nawaz (PML-N) është zgjedhur prej deputetëve të partisë së tij dhe disa deputetëve tjerë, pas një marrëveshjeje për koalicion, duke i rrëzuar mbështetësit e Khanit prej pushtetit.
Parlementi me 336 ulëse është mbledhur një ditë më parë, për herë të parë, prej zgjedhjeve të mbajtura më 8 shkurt, ndërsa koalicioni i ri pritet të votojë Shehbaz Sharifin e partisë PML-N si kryeministër këtë të diel.
Teksa deputetët janë përgatitur për të zgjedhur Sadiqin, deputetët e përkrahur prej partisë së Khanit Pakistan Tehreek-e-Insaf (PTI), e kanë qortuar kryetarin në largim, i cili ka qenë duke e mbikëqyrur procesin.
“Si mund të marrin pjesë ndërhyrësit në votime”, ka thënë pyetur politikani Omar Ayub Khan.
“Si mund të dëboni partinë e Imran Khanit, i cili ka mandat të qartë?”
Partia e Khanit beson se zgjedhjet e muajit të kaluar janë manipuluar për të parandaluar fitoren bindëse dhe këtë pretendim e bazon në vonesën e publikimit të rezultateve.
Në përgatitje e sipër për zgjedhje, Khan është burgosur dhe i është ndaluar gara për pozita publike, pasi ka një dëbim të gjatë për tradhti dhe martesë ilegale.
Pjesëtarët e partisë së tij janë detyruar të garojnë si të pavarur në zgjedhje.
Sadiq, i cili do të krijojë agjendën e qeveritare, ka qenë kryetar edhe në koalicionet paraprake mes PML-N-së dhe partive tjera, të cilat e kanë rrëzuar Khanin më 2022 dhe e kanë ngjitur Sharifin në pushtet, për herë të parë.
